17:00etan hasiko da jai-giroa Garagartzako plazan eta 18:00etan emango diote hasiera bigarren Gararock jaialdiari, Jon Gurrutxaga eta Keu Agirretxeak. Eta ordutik goizaldeko ordubiak aldera arte, eten gabe arituko dira talde gonbidatuak. Kartel oparoa osatu dute antolatzaileek: Jon&Keu, Las Morenas, Screamin Targets, Kabbalah, Sonic Trash eta The Lookers gonbidatu dituzte eta Jo ta Ito herriko talde hasiberriari ere emango diote aukera zuzenean aritzeko.
Food Truck furgoneta ere ekarriko dute aurten; Jateko berezia, kontzertu berezi baterako.
Informazio osoagoa BARREN aldizkarian argitaratutako erreportajean (1047. zenb. -PDF-)
Hona hemen Gararock jaialdiko egitaraua:
- 17:00 Haurrentzako tailerra.
- 18:00 Jon & Keu, musika eskolako terrazan.
- 19:00 Las Morenas, Garagartzako plazan.
- 20:00 Screaming Targets, terrazan.
- 21:30 Jo Ta Ito, plazan.
- 22:15 Kabbalah, plazan.
- 23:30 Sonic Trash, plazan.
- 1:00 The Lockers, plazan.
