Elgoibako eta Mendaroko udako aisialdi eskaintzan parte hartzen diharduten dozenaka umek San Fermin Txiki Eguna ospatu dute gaur. Zuri-gorriz jantzita, San Fermin festetako giroan murgildu dira goizean. Entzierroa korritzeko beroketak egin dituzte, pregoia irakurri -bertsotan egin dute Mendaron-, eta txupinazoa ere bota dute udaletxeko balkoitik. Gero, entzierroa korritu aurretik lasterkariek San Fermini abesten dioten abestia kantatu dute umeek, eta zezenen aurretik korrika egin dute.
