Euria antzezlana testurik gabeko, hitzik gabeko proposamena da, eta eszenak forma bisualetan oinarrituz kontatzen dira. Antzerkia eta dantza, lengoaia osagarriak eta elkarren ondoan jarritakoak izango dira, istorioaren esanetara. Dantzatutako antzerki honek, protagonistak bi aterkiekin duen elkarbizitza berezia kontatzen digu.
• Galerei aurre egiteko gaitasuna
Gaiak tristura edo malenkonia eragiten baditu ere, ikuskizuna, umore ukituekin, ezuste bisualekin eta atmosfera poetikoan murgilduta dago. Markeliñe talde zornotzarrak ume zein helduentzat sortu zuen antzezlana. Iñaki Egiluz taldekidearen berbetan (ikus anboto.org-n), umeentzako antzerkiak ez du beti gauza alai eta polita izan behar. “Horregatik, forma ezezik edukia ere eskaini gura dugu, antzerkiak zeozertarako balio dezan”. Ikuskizunak antzerkira doan umea eta antzokian aldamenean daukan heldua heriotzaz, doluaz, edota tristuraz berba egitera bultzatzea nahi dute Markeliñekoek.
16:30ean hasiko da saioa.