Trikitibertso poteoa antolatu du Mendaroko Gazte Asanbladak biharko, azaroaren 19rako. Aitor Salegi, Iñigo Zubiaurre Beitxi eta Danel Olano arituko dira bertsotan, eta Idurre Arriola eta Maite Olazabalek lagunduko diete soinu eta panderoarekin.
Aitor Salegi (aurtengo Plazatik Gaztetxera txapelketako irabazlea), Iñigo Zubiaurre Beitxi eta Danel Olano bertsolariek 19:30ean hasiko dute tabernaz tabernako poteoa, Mendaroko Gaztetxean.
Gauean, 23:30etik aurrera, Parrazta Punk eta Gurera taldeek kontzertua eskainiko dute Gaztetxean.
