Oier Gurrutxaga musikari elgoibartarrak kontzertu bana emango du zapatuan eta martitzenean Elgoibarren. Salento tabernan arituko da zapatuan (otsailak 14), 21:30etik aurrera, eta martitzenean, Txarridunan joko du (22:30).

Inauterien harira bi kontzertu prestatu ditu Oier Gurrutxagak datozen egunetarako. Salento tabernan izango da lehendabizikoa, inauterietako zapatuan, 21:30etik aurrera. Jon Egaña saxofoijole debarra izango du lagun Gurrutxagak. Era guztietako estiloekin osatutako egitaraua prestatu dutela aurreratu du: rocka, flamenkoa, jazza, bluesa, funkya, e.a.

Martitzenean Txarridunan eskainiko duen kontzertua ere ildo beretik joango dela azaldu du. Han, baina, Oskiz Gorrotxatego tronpetistarekin batera joko du.