Inazio Bereziartua musika eskolako ikasle nagusien taldeek Pintxo Kontzertua izeneko emanaldia eskainiko dute gaur (urriak 6) arratsaldean.

Pintxo pote eguna izan ohi da eguena, eta musikarena ere izango da gaur. Inazio Bereziartua musika eskolan ikasten diharduten ikasle nagusiek ikasgeletatik kanpora aterako dituzte euren abileziak eta Kultur Etxearen kanpoaldean eskainiko dute musika emanaldia, 19:30etik aurrera. “Instrumentu bat jotzen ikasteko eta musikarekin ondo pasatzeko inoiz ez dela berandu erakutsiko digute”, azaldu dute antolatzaileek.
Ikasle nagusiek aurrez ere eskaini izan dute Pintxo Kontzertua, azkena joan den maiatzean.