Argentinako Zingaros taldeak Elgoibarren amaituko du martitzenean Europan barrena egin duen kontzertu bira

Barren.eus 2016ko uzt. 18a, 10:59

Zingaros-New Gypsy Tango taldeak kontzertua eskainiko du martitzenen honetan, uztailaren 19an, Kultur Etxeko Sotoan. Talde argentinarra Alejandro Montero, David Macchione eta Alex Garatek osatutakoa da, azken hau elgoibartarra, hainbat urtez Argentinan bizi dena. 

Argentinako Zingaros musika taldea Europako bira batean Polonia, Alemania, Danimarka, Austria eta Eslovakia igaro ondoren, Euskal Herrian Gasteizen (uztailak 17) eta Ermua (uztailak 18) jo ondoren iritsiko da Elgoibarrera, Garateren jaioterrira, estreinakoz. Europa ekialdeko motxailen pasio eta euforia doinuak tangoaren nostalgia eta malenkoniarekin uztartuz sortutako abestiak eskainiko dituzte ijitoen hizkuntzan edo errusiarrez abestuta, zein musika tresna hutsez. Gitarra joko du Alejandro Monterok, bibolina David Macchionek eta Alex Garatek akordeoia. 

20:00etan hasiko da emanaldia Kultur Etxeko sotoan. 

Ikus hemen Alex Garatek BARREN aldizkariari (999. zenbakia 2016-07-01 -PDF-) eskaini zion elkarrizketa.

Hona hemen Zingarosek jotzen duen musikaren zertzelada bat:

Jan 2014 00 12 03 fluque zingaros elgoibar