Kultura

barren.eus-logoa

Tokikom

 

 
 

2016 06 10 Kultur etxea2

Etorkizuneko Kultur Etxearen proiektua Jovino Martinez Sierra arkitektuak egingo du. Erredakzioak urte amaierarako amaituta egon beharko du, datorren urtean obrei ekiteko. Proiektuaren erredakzioa hastearekin batera, partaidetza prozesu bat iragarri du Udalak Aita Agirre eraikinaren etorkizuna definitzeko.

Jovino Martinez Sierra arkitektuari esleitu diote Aita Agirre eraikina birgaitzeko proiektua. Guztira zazpi talde aurkeztu ziren lehiaketara. Epaimahaiaren iritziz, arkitektu eta doktore honek egindako proposamen teknikoa bigarren onena izan da eta proiektua erredaktatzeko eskaintza ekonomikorik onena eskaini du (55.000 euro, BEZ gehitzeke).

Planteatutako lana ondo ulertu du Jovino Martinez Sierra arkitektuak, epaimahaiaren arabera. Elgoibarko herria eta kultur zein kirol ekipamenduak aztertu ondoren, lizitazioan eskatutako beharrei aurre egiten jakin duela ere nabarmendu du.

Aita Agirre eraikineko barne-distribuzioan berrikuntza ausartak planteatu ditu arkitektuak. Horrez gain, eraikinaren konposizioa eta ingurunea erabat errespetatu ditu, beti ere epaimahaiaren arabera. Hala ere, aukeratutako den proposamenak seguruenera zenbait aldaketa izango ditu praktikan, gauzatzen joan ahala sortuko diren behar berriei aurre egiteko.

Proiektuak urte bukaerarako erredaktatuta egon beharko du, eta lanak 2017 urtean hasiko dira. Aita Agirreko eraikina berritu ondoren, Elgoibarko kultur-ekipamenduak han egongo dira, Altzolako Dorretxearekin batera.

Partaidetza prozesua

Aita Agirre eraikina etorkizunean zer izango den hobeto definitzeko, partaidetza prozesuari berrekingo diola iragarri du Elgoibarko Udalak, eta prozesua proiektuaren lehen azterketak hasteaz batera hasiko dela. Egitasmoan parte hartuko duten elkarte guztiekin bilduko da, premiak nola berrikusiko dituzten azaltzeko, existitzen diren beharrak zeintzuk diren jakinarazteko eta elkarteen zalantzak argitzeko. Era berean prozesu horrek eraikinean izango den kultur programazioa zehazteko balioko du.

Martinezek Asturiasko Arkitektura Kolegio Ofizialaren Asturias Saria irabazi zuen. Estatu mailako zenbait lehiaketetan ere irabazle izan da. Bere lanak zenbait aldizkaritan argitaratu dituzte. Bere lanik esanguratsuenak Somioko Altzaioruzko Etxea, Avilesko Zentro Teknologikoa eta Sama de Langreoko Felguerosoko zinemaren birgaitzea dira.

2016 06 10 kultur etxea

kultur etxea3 aita agirre Elgoibar

∞Lotura duten albisteak:
 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza