Inazio Bereziartua Musika Eskolako ikasleez gain, Banda de L,Escola (Escola Municipal de Musica Germans Arasa “Los Flarets”); Jugendmusic Aldorf (Musikschule Uri), Ensemble Saxofones eta Big Band (Escuela Municipal de Musica Anton Garcia Abril Ciudad de Teruel) eta Musikschulorchester Bornheim (Bornheim Musikschule) taldeek jo dute. Askotariko doinuak maila onean eskaini dituzte musikari gazteek. Tarteetan elgoibartarrek dantza egin dute txistulari eta trikitilarien doinutan eta dultzaineroak ere aritu dira. Bukaeran Emusik jaialdirako apropos prestatutako koreografia egin dute Elgoibarko dantzai gaztetxoek, korukoen eta Teruelgo musikarien laguntzaz.