Aitziber Dominguez elgoibartarrak irabazi du 2016ko Trinitate jaietako nagusien Danborrada iragartzeko kartel lehiaketa.

Trinitateetako nagusien danborrada antolatzen duen Atabal elkarteko Juan Karlos Arrietak jakinarazi duenez, bi lan baino ez dira aurkeztu aurtengo kartel lehiaketara. "Bi bakarrik, baina biak onak" zehaztu du. Aitziber Dominguezek aurkeztutako lanak jaso du lehen saria: 300 euro.
Lehiaketa hau estreinakoz irabazi badu ere, antzerako lehiaketetan sari bat baino gehiago irabazitakoa da Dominguez. Esaterako, hiru urtean errenkadan, 2011tik 2013ra, irabazi zuen Elgoibarko San Bartolome jaiak iragartzeko kartel lehiaketa.

•Danborrada egun argiz
Trinitate jaietako ekitaldi esanguratsuenetakoa den nagusien danborrada egun argiz egingo dute estreinakoz aurten, 19:00etan, hain justu ere. Maiatzaren 21ean izango da.

∞Lotura duten albisteak

• Arratsaldean izango da aurten Trinitate jaietako nagusien danborrada (2016-03-31)

• Nerea Oteiza Zubiaurrek irabazi du 2015eko danborradako kartel lehiaketa (2015-05-15)
• Aitziber Dominguezen kartel batek iragarriko ditu San Bartolome jaiak, hirugarren urtez jarrian (2013-07-15)
• Aitziber Dominguezek irabazi du jaietako kartel lehiaketa, bigarren urtez jarraian (2012-07-12)
• Aitziber Dominguezek irabazi du jaietako kartel lehiaketa (2011-07-15)