Kalera aterako dute musika Inazio Bereziartua musika eskolako instrumentu taldeek barixakuan (apirilak 15). Kalejiran ibiliko dira Elgoibarko kaleetan barrena eta geldialdiak egingo dituzte Kalebarrenen, Kalegoenen eta Lekuederren.
Inazio Bereziartuako instrumentu taldeek –guztira 15– kontzertua eskaini zuten joan den barixakuan Musika Eskolako auditorioan. Barixakuan, baina, musika eskolako pareten babesa laga eta kalera irtengo dira instrumentu taldeak. 19:30ean Lekuederretik abiatu eta txaranga lagun dela kalejira egingo dute. Kalejira horretan, ordea, hainbat geldialdi egingo dituzte Kalebarrenen, Kalegoenen eta Lekuederren bertan. Horietan instrumentu taldeek zenbait abesti eskainiko dituzte.
Hona hemen egitaraua:
TRONBOI TALDEA (Kalebarren plazan)
- Trombumba………………… G.W.Lotzenhiser
- I will survivew …………… Dino Pekaris & Freddie Perren
Musikariak: Alaitz Almortza, Aitor Barrutia, Eneko Larruskain
KLARINETE TALDEA (Kalegoen plazan, Jai-alai parean)
- Sycamore…………………… Scott Joplin
- The strenous life………… Scott Joplin
Musikariak: Iban Zapata, Iker Zapata, Jon Etxaniz, Oier Ruiz, Mikel Agirrebeña, Unai Guardia
AKORDEOI TALDEA (Udaletxe aurrean)
- Take a chance of me + Honey honey…… Abba
- The final countdown……………………………… Europe
TRIKITILARIAK (Lekueder parkean, Tantaka aurrean)
- Fandangoa, Arin-arin-a, Courinta eta Kalejira
SAXOFOI TALDEA (Musika Eskola aurrean)
- Family Guy theme ……… Whalther Murphy
