Gazte Olinpic Team lehiaketara aurkeztu zuen bideo lan batekin (beherago ikus daiteke) irabazi du Nerea Gurrutxagak Riok de Janeiroko Joko Paraolinpikoetara joateko saria. Sarituak izan diren lau lagunek Olinpiar Jokoak landuko dituzte eta beste lauk Paralinpikoak. Azken horietako bat da Gurrutxaga. Gazteaukerako bloga, Instagram, Facebook, Twitter, Youtube eta Flickr bezalako kanalak erabiliz, Basque Team-eko kirolarien jarraipena egin beharko dute guztiek Riotik (zortzi blogarien fitxa). Olinpiar Jokoak abuztuaren 5etik 21era izango dira, eta Paralinpikoak irailaren 7tik 18ra.
Nerea Gurrutxagak 21 urte ditu eta Ikus-entzunezko Komunikazio gradua ikasten ari da Bilbon. “Kazetaritza atsegin dut, baita publizitatea ere, eta hau aukera ezin hobea da nire komunikatzaile jarduna hobetzeko. Pertsona irekia naiz, alaia, eta bidaiatzea eta lagunekin egotea dut gustuko. Kirolari dagokionez, eskubaloi jokalaria izan naiz eta eliteko edozein kirol ikustea dut gogoko”, esan du.
Nerea Gurrutxagak lehiaketara aurkeztutako lana: