Munduko txirrindulari onenak Euskal Herrian ditugu egunotan, Frantziako Tourra jokatzen, baina dena ez da Tourra. Oinarrizko txirrindularitzan ere jokatu dituzte lasterketak asteburuan eta Elgoibarko Lagun Taldeko Eneko Ortegak Cartagenan (Murtzia, Espainia) gozatu du loria, jubenilen Espainiako Txapelketan. Euskadiko selekzioarekin lehiatu da gaur Ortega, eta bai berak, eta baita haren taldekideek ere lasterketa handia egin dute gaur. 137 kilometroko proba izan da gaurkoa, eta sailkapen nagusiko lehenengo bosten artean Euskadiko selekzioko hiru lagun sailkatu dira, tartean Eneko Ortega. Tropeleko azkarrena Alvaro Garcia Gimenez izan da (Murtzia), 3:37:55ko denborarekin. Haren atzetik Markel Beloki helmugaratu da, txirrindulari profesionala izandako Joseba Belokiren semea. 14 segundo eskasera helmugaratu da Beloki, eta Eneko Ortegak osatu du podiuma. Irabazlearengandik 40 segundora helmugaratu da elgoibartarra, lasterketa handia eginda. Eta podiumetik koska batera gelditu da Unax Errasti (Euskadiko selekzioa).
∞Lotura duten albisteak:
- Gipuzkoako Itzulian bigarren egin du Eneko Ortega txirrindulari elgoibartarrak (2023-06-27)
- Gipuzkoako Itzuliko azkeneko etaparen faltan, sailkapen nagusian laugarren da Eneko Ortega (2023-06-25)
- Eneko Ortega Gipuzkoako txapeldun izan da erlojupekoan (2023-06-14)
- Euskadiko Txirrindularitza Txapelketa irabazi du Eneko Ortegak (2023-05-21)
- Lazkaomendin bigarren egin ostean, Euskadiko selekzioarekin lehiatu da Eneko Ortega, afizionatuekin (2023-05-08)
- Eneko Ortegak bigarren egin zuen zapatuan Arantzazuko Igoeran (2023-05-02)
- Asteburu berean, Debako eta Elgoibarko txirrindularitza lasterketak irabazi ditu Eneko Ortega txirrindulari elgoibartarrak (2023-04-16)
- Eneko Ortega UCI mailako Bernaudeau Klasikoan lehiatu da euskal selekzioarekin (2023-03-22)
- Eneko Ortega podiumera igo da denboraldiko estreinako lasterketan (2023-02-18)
- Eneko Ortega: “Bizikletan hasi nintzenetik aurtengoa izan da denboraldi onena” (2022-10-07)