Paula Calvok bost proba irabazi ditu Frantziako Tarbeseko Sarian

Barren.eus 2023ko mai. 26a, 10:23

Paula Calvo igerilari elgoibartarrak Gipuzkoako Igeriketa Federazioa ordezkatu zuen, maiatzaren hasieran, Frantziako Tarbes hirian jokatu zuten igeriketa txapelketa batean, eta zelan ordezkatu gainera.

Bizkar estiloko 100 eta 200 metroko lasterketak eta libre erako 100 eta 400eko probak irabazi zituen Eibar Igerixan taldeko kideak. Horrez gain, 4. postuan sailkatu zen 200 estiloetan, eta erreleboetan lehenengoa eta bigarrena izan zen Gipuzkoarekin 4x100 libre eta 4x100 estilo probetan, hurrenez hurren.