Sanloko senior mailako talde nagusiak, gizonezkoena zein emakumezkoena, ezinean dabiltza denboraldi honetan, baina horrenbeste talde dituen kirol taldean berri onak ere badira.

Sanlok gizonezkoen senior mailan duen bigarren taldeak, Pizzeria Salentok mailaz igotzea lortu du, liga amaitzeko jardunaldi baten faltan. Joan den zapatuan ziurtatu zuten igoera, Munttarpereri 31-21 irabazita Olaizagan jokatu zuten neurketan. Pizzeria Salentok orain arte jokatutako hamabost partidetatik 12 irabazi, bi berdindu eta bakarra galdu ditu Lurraldeko Bigarren Mailan. Orotara 26 puntu batu ditu, bigarren dagoen Donibane Bonantza taldeak baino bi puntu gehiago (sailkapena). Hala, etxean, zaleen aurrean, ospatu zuten igoera lortu izana (ikus hemen kantxako ospakizuna).