Elgoibarko Udal Kirol Patronatuak aurten ere, zortzigarren urtez, Aste Santuko Kirol Campusa antolatuko du. Datorren astelehenean, otsailaren 29an, zabalduko da izena emateko epea.

8 eta 14 urte bitarteko haurrei zuzenduta dago Kirol Campusa, hau da, 2008 eta 2002 urte bitartean (biak barne) jaiotakoei. Zazpi eguneko campusa izango da: martxoaren 21ean, 22an, 23an, 29an, 30ean, 31n eta apirilaren 1ean. Egun horietan, kirol desberdinak egiteko aukera izango dute partaideek IMH kiroldegian, Olaizaga kiroldegian eta Mintxetan, 09:30etatik 12:30etara. 

Kirol Patronatuko bazkide direnek 40 euro ordaindu behar dituzte eta 45 euro bazkide ez direnek.
Interesa dutenek Olaizaga kiroldegian eman dezakete izena otsailaren 29tik martxoaren 14ra bitartean.