Gipuzkoako Kirol Egokituen Federazioak antolatuta, desgaitasuna duten pertsonentzako euskal pilota egokituko paleta topaketa egin zuten zapatuan, Elgoibar Ikastolako pilotalekuan.

Denboraldi honetan egiten duten era honetako bigarren jardunaldia izan dela Elgoibarkoa adierazi dute Gipuzkoako Kirol Egokituen Federaziotik. Honakoa Elgoibarko Udalaren eta beste zenbait elkarte eta eragilerekin elkarlanean antolatu dute, eta parte hartze handia eduki zuela nabarmendu dute.

#Argazkiak: Gipuzkoako Kirol Egokituen Federazioa.