Benjaminek testa izan zuten Bergarako Agorrosin igerilekuan, eta KZL ligako lehen jardunaldian lehiatu ziren alebinak Legazpian. Benjaminei dagokionez, 50 metro estilo libreko proban lortu zituzten emaitzak nabarmendu dituzte taldeko arduradunek, eta baita erreleboetako probetan elgoibartarrek utzitako arrastoa ere. Alebinetan berriz, "oso emaitza txukunak" lortu zituztela azaldu dute. 200 metro estiloak eta 100 metro libre probetan nabarmendu ziren. Egindako lanagatik zoriondu dituzte arduradunek.
