Morkaiko mendi taldekoek orduerdi aurreratu dute Karakateko Igoeraren irteera, jendeak Euskaraldiaren hasiera jaira joateko aukera izan dezan. Hala, 10:30ean abiatuko dira saltakariak Kalegoen plazako frontoiko frontisetik. Gero, nahi duten bidetik igo beharko dute Karakateko tontorreraino, beti ere baserritarren atesareak eta itxiturak errespetatuz. Tontorrean dagoen puntu geodesikoa ukitzean bukatuko dute igoera. Ohiko ibilbideak lau kilometro inguruko luzeera du, eta 700 metrotik gorako desnibel positiboa (Elgoibarko herrigunea 42 metroko garaieran dago eta 756 metrotara dago Kortazar gaina). Izen ematea doakoa da eta 8:30etik 10:00etara bitartean egin ahal izango da Kalegoen plazan. Antolatzaileek 125 lagunetan jarri dute parte-hartzaileen muga. Iaz, 78 lasterkarik hartu zuten parte eta Mikel Beunza (Alkotz, Nafarroa) eta Andrea Garai (Gasteiz, Araba) izan ziren azkarrenak. Probako errekorra Iban Muruak ezarri zuen 2017an: 26 minutu eta 17 segundo. Emakumezkoetan Maite Maiorak du errekorra, 2016an ezarria: 31 minutu eta 37 segundoan.
•Azken urteetako irabazleak:
- 2021ean: Mikel Beunza eta Andrea Garai
- 2019an: Javier Goitia eta Sonia Lopez
- 2018an Iñigo Lariz eta Mayi Mujika
- 2017an Iban Murua eta Ainhoa Lendinez
- 2016an Iban Murua eta Maite Maiora
- 2015ean Iñigo Lariz eta Ainhoa Lendinez
- 2014an Iñigo Lariz eta Nahia Quincoces
- 2013an Iñigo Lariz eta Nahia Quincoces
- 2012an Iñigo Lariz eta Nerea Amilibia
- 2011n Oier Ariznabarreta eta Maite Maiora
- 2010ean Oier Ariznabarreta eta Maite Maiora
- 2009an Oier Ibarbia eta Nerea Amilibia
- 2008an Josu Arregi eta Oihana Kortazar
- 2007an Iñigo Lariz eta Pilar Arriola
- 2006an Aritz Kortabarria eta Pilar Arriola