Lagun Taldeakoek Idotorbeko Igoeran parte hartzera animatu dituzte txirrinduzaleak

Julian San juanen XXX. Oroimenezko txirrindulari lasterketa iristear dela-eta parte hartzera animatu dituzte txirrinduzaleak Elgoibarko Lagun Taldea txirrindulari eskolakoek.

Ohi moduan, Ohi moduan, urriaren 12an, Pilarika Egunean, jokatuko dute (12:00). Txirrindularitzan federatutakoek 5 euro ordaindu beharko dute parte hartzeko eta 10 euro gainerakoek. Izen-ematea egunean bertan izango da, 10:30etik 11:30era, eta ordainketa ere bertan. 12:00ak bitartean lizentzia ez daukateneri segura tramitatuko diete. 2007a baino lehenago jaiotakoek parte hartu dezakete Idotorbeko Igoeran.

• Batzarra, urriaren 6an
Era berean, hurrengo denboraldia prestatzen ari dira Lagun Taldeakoak eta ume eta gazteak taldera batzeko asmoarekin bilera informatiboa antolatu dute urriaren 6rako, Kultur Etxean. 18:30ean izango da 2009tik-2014ra jaiotakoentzako batzarra, eta 19:30an 2005tik-2008ra bitartean jaiotakoentzakoa.