Girizia Kultur, Jolas eta Kirol Elkarteak antolatutako Euskal Herriko Pala Txapelketa Irekia jokatu dute Oiartzunen, urtarriletik hona. Nafarroa, Gipuzkoa, Bizkaia eta Arabako 74 bikotek hartu dute parte, -hiru mailatan banatuta gizonezkoek-, eta joan den zapatuan jokatu zituzten 38. edizioko lau finalak: Gizonezkoen hirurak eta emakumezkoena.
Gizonen lehen mailako finalean Gorka Lizarraldek eta Kepa Arrizabalagak osatutako bikoteak Aizpuru-Epelde bikote azkoitiarra izan zuen aurkari. Emozio eta parekotasun handiko finala jokatu zuten, eta bi ordu eta erdian lehian aritu ostean azkoitiarrak gailendu ziren, 23-25eko emaitzarekin. Garaipenak gutxigatik ihes egin dien arren, pozik daude Arrizabalaga eta Lizarralde, makina bat txapel irabazi baitituzte sasoi honetan.
Bigarren mailako finala jokatu zuen Mikel Arrieta elgoibartarrak ere ezin izan zuen irabazlearen txaopelik jantzi. Arrietak Salegi zumaiarrarekin osatu du bikotea txapelketa honetan, eta finalean Lesakako Mitxelena eta Garbisu izan zituzten aurkari, eta Lesaka aldera joan ziren txapelak, nafarrek 16-25 irabazi baitzuten finala.
Lertxundi-Arruti Orioko bikoteak irabazi zuen hirugarren mailako finala; eta, emakumeetan Aiako Eizmendik eta Hernaniko Balerdik osatutako bikoteak lortu zuen garaipena.
∞Lotura duten albisteak:
- Arrizabalagak eta Lizarraldek Euskal Herriko txapelketako finala jokatuko dute (2022-05-04)
- Lizarralde eta Arrizabalaga gailendu dira Mutrikuko pala txapelketan (2022-03-29)
- Lagunak taldeko palistek Udaberri txapelketa irabazi dute (2022-03-21)
- Gurrutxaga eta Conde gailendu dira Igeldoko pala txapelketan (2022-03-14)
- Udaberri Sariko finala jokatuko dute Kepa Arrizabalagak eta Mikel Arrietak (2022-03-17)