Jose Gurrutxaga krosaren 27. ekitaldia jokatuko dute domekan herriko kaleetan. Ohi duten moduan, adinka eta sexuka banatuko dituzte haurrak korrikarako, eta hamalau lasterketa izango dira guztira.
- Lehenengoak, 2014an eta 2015ean jaiotakoak, 10:30an abiatuko dira, lau taldetan banatuta, eta 328 metroko distantzia egingo dute korrika.
- Orduerdira 2012an eta 2013an jaiotakoak irtengo dira eta 609 metro egingo dituzte korrika.
- 11:30ean abiatuko dira 2010ean eta 2011an jaiotakoak eta hauek ia kilometro bat egingo dute korrika, 943 metro.
- Hamahirugarren lasterketa 2006, 2007, 2008 eta 2009an jaiotako neska-mutilena izango da. 12:00an irtengo dira, eta 1.423 metroko ibilbidea egingo dute.
- Nagusiagoek, 2005. urtetik aurrera jaiotakoek, hiru itzuli eman beharko dizkiote zirkuituari, 3.613 metro osatzeko. Horiek 14. lasterketarekin batera aterako dira, 12:00an.
• Bideoa
Pandemiagatik bi urtean antolatu ezin izan duten Jose Gurrutxaga krosari buruzko bideoa sortu zuen Elgoibar Ikastolak. Krosaren sorrera eta orain arteko ibilbidea laburbiltzen ditu bideoak, hainbat protagonisten lekukotzekin. Hemen ikus dezakezue bideoa: https://barren.eus/komunitatea/elgoibar-ikastola
∞ Lotura duten albisteak:
- Giro eta lehia politak Jose Gurrutxaga krosean (2019-04-07)
- Jose Gurrutxaga krosak antxitxika jarri zituen elgoibartarrak (2018-04-23)
- 800 lagun inguruk hartuko du parte 25. Jose Gurrutxaga krosean (2018-04-18)
- Jose Gurrutxagak ereindako haziak loratzen jarraitzen du (2017-04-02)
- Jose Gurrutxagarik gabeko lehen krosa, domekan (2017-03-31)
- Jose Gurrutxaga antxitxikari nekaezina, bere zaletasunaz (2017-03-31)
• Ikus hemen azken urteetako krosak: