Urrezko hiru domina Paula Calvorentzat Euskal Herriko infantil mailako igeriketa txapelketan

Barren.eus 2022ko mar. 4a, 17:14

Infantil mailako Neguko Euskal Herriko Txapelketan parte hartu zuen Paula Calvo igerilari elgoibartarrak, eta urrezko hiru domina eskuratu zituen.

Tolosako Usabal igerilekuan jokatu zuten txapelketa, otsail bukaeran. Paula Calvok Eibar Igerixan taldea ordezkatuz igeri egin zuen txapelketan eta lehiatu zen hiru lasterketetan gailendu zen: 400 metro librekoan, 100 metro librekoan eta 100 metro bizkar estiloko proban. Paularen neba Iker ere parte hartzekoa zen, baina igerilarien artean ohikoak diren entzumeneko arazo batzuk medio parte hartzeari uko egin behar izan zion.