Promesa mailako finala jokatu zuten lehenik eta Aimar Egigurenek eta Martxel Iztuetak osatutako bikoteak 22-15 irabazi zion Unai Amianok eta Ugartemendiak osatutakoari. Egiguren aurrelari azpeitiarrak eta Iztueta tolosarrak osatutako bikoteak hobeto hasi zuen finala eta aurkariek egin zituzten zenbait huts probestuz, errenta polita lortu zuten markagailuan. Partidaren bigarren zatian aldea murriztea lortu zuten Amianok eta Ugartemendiak, baina ez zuten partida iraultzerik lortu. Martxel Iztueta atzelaria aukeratu zuten finaleko pilotaririk onena (ikus sari banaketan).
Senior mailako partidak ez zuen kolorerik eduki, edo beste batera esanda, kolore bakarra izan zuen, gerriko urdina jantzi zuten Igoa eta Arbizu nagusitasunez gailendu baitziren. Zazpi tantoan laga zituzten Mata eta Morgaetxeberria. Azken honek, Morgaetxeberria amorebietarrak, promesa mailako txapela jantzi zuen 2020an jokatu zen San Anton Txapelketan, orain arte jokatu zuten azkenengoan, iaz ez baitzen egon lehiarik, pandemia dela-eta. Hala, ezin izan zuen maila nagusiko txapela ere etxera eraman. Finaleko pilotari onena aukeratu zuten Irurtzun elkarteko Aaron Arbizu eta Oberena elkarteko ordezkari Josu Igoak, biak Etxarri Aranazkoak, bikote sendoa osatu zuten, eta uneoro menpean eduki zituzten aurkariak. Nagusi izan ziren atzeko koadroetan zein aurreko koadroetako jokaldietan.
∞Lotura duten albisteak:
- Bertan behera gelditu da San Anton Pilota txapelketa (2021-01-13)
- San Anton pilota Txapelketa egun bakarrean jokatuko da aurten, jokatzekotan (2021-01-05)
- Murua eta Uriondo nagusitasunez gailendu dira San Anton Pilota txapelketan (2020-01-18)
- Musika, dantza eta kirola izango dira San Anton jaietan (2020-01-16)
- San Anton Pilota Txapelketako bigarren finalerdiak jokatuko dituzte Ikastolako frontoian (2020-01-10)
- Afizionatu mailako pilotaririk onenetarikoak ikusteko aukera izango da San Anton txapelketan (2020-01-02)
- Labaka eta Telletxea gailendu dira 27. San Anton Pilota Txapelketan (2019-01-20)
- Seniorretan Alberdi-Aizpuru eta promesetan Alberdi-Apezetxea irabazle, San Anton txapelketan (2018-01-20)
- Espinal eta Zezeaga nagusi San Anton Pilota Txapelketan (2017-01-25)