Sari nagusiak, Gipuzkoa Kirola Saria, bi kirolarik eskuratu dituzte aurtengoan. Maite Maiora Mendaroko mendi-lasterkariak emakumezkoetan, eta Ander Elosegik, lau Olinpiar Jokotan parte hartu duen piraguista irundarra, gizonezkoetan. Maiora Skyrunning Munduko Txapelduna da eta Hiru Handiak mendi lasterketako irabazlea, errekorra barne. Elosegi, berriz finalista izan zen aurten jokatu dituzten Tokioko Olinpiar Jokoetan. Gipuzkoako Foru Aldundak kirol merezimenduengatik Gipuzkoan gehien nabarmendu den pertsona sarizen du sari honekin. Epaimahai tekniko batek erabakitzen du zein kirolariri edo kirol talderi eman Gipuzkoa Kirolak saria.
Gipuzkoarren Saria ere banatu zuten. Kirolariei botoa emateko aukera izan dute herritarrek eta bi judokak jaso dute boto gehien, Unai Saralegi tolosarrak eta Unai Regillaga amezketarrak. (ikus hemen hautagaiak)
Gipuzkoako Foru Aldundiko Kultura, Lankidetza, Gazteria eta Kirol Departamentuak banatzen dituen sarion helburua, kirolaren merituak maila guztietan aitortzea da, eta era berean, Gipuzkoako kirol errealitate osoa jasotzea.
Argazkiak: Gipuzkoako Foru Aldundia.