Ansorregik irabazlearengandik minutu bat eta hamabost segundora bukatu zituen lanak, eta Maika Ariztegik egin zuen hirugarren. Sherpa.ai Aizkolari Txapelketa Nagusiaren finalean lehiatu ziren bederatzi aizkolariak 3.000 ikusleren aurrean aritu ziren, Bilboko Bilbao Arena Miribillan. Sekulako ikuskizuna izan zela azaldu dute aizkolariek, eta oso eskertuta daude antolatzaileek txapelketari ikusgarritasuna emateko egin duten ahaleginagatik. Gizonezkoetan Iker Vicente otsagabiarra gailendu zen, eta Mikel Larrañaga azpeitiarrak egin zuen bigarren.