Joan den urriaren 12an jokatu zen Idotorbeko Igoera moduan, Karakateko igoera ere jokatuko da aurtengoan. Azaroaren 20rako antolatu du Morkaiko Mendizale Elkarteak. Duela bi urte, 2019an, jokatu zen azken ekitaldia. Javier Goitia gernikarra eta Sonia Lopez ermuarra izan ziren azkarrenak giro petral eta ezatseginarekin jokatu zen igoeran. Haize hotzari eta elurbustiari aurre eginez, 56 lagunek hartu zuten parte.
• Maskara jantzita, lehen metroetan
Morkaikotik jakitera eman dutenez, pandemia aurreko Karakateko Igoerak modukoa izango da aurtengoa, baina edukiko ditu ñabardura batzuk. Hasteko, irteeran musukoa jantzita eduki beharko dute parte hartzaileek. Kalegoen plazako frontoiko frontisetik irteten dira saltakariak, 11:00etan puntuan, eta Karakoleko zubia pasa artean jantzita eraman beharko dute musukoa. Era berean, antolatzaileek 125 lagunetan jarri dute parte hartzaileen muga.
Parte hartzaile guztiei edizio honetarakoatera duten katilu bat oparituko die Morkaikok (proba iragartzeko kartelean ikus daiteke katilua)
• Azken urteetako irabazleak:
- 2019an Javier Goitia eta Sonia Lopez
- 2018an Iñigo Lariz eta Mayi Mujika
- 2017an Iban Murua eta Ainhoa Lendinez
- 2016an Iban Murua eta Maite Maiora
- 2015ean Iñigo Lariz eta Ainhoa Lendinez
- 2014an Iñigo Lariz eta Nahia Quincoces
- 2013an Iñigo Lariz eta Nahia Quincoces
- 2012an Iñigo Lariz eta Nerea Amilibia
- 2011n Oier Ariznabarreta eta Maite Maiora
- 2010ean Oier Ariznabarreta eta Maite Maiora
- 2009an Oier Ibarbia eta Nerea Amilibia
- 2008an Josu Arregi eta Oihana Kortazar
- 2007an Iñigo Lariz eta Pilar Arriola
- 2006an Aritz Kortabarria eta Pilar Arriola