Euskal Kopako finalerako sailkapena zuten jokoan eta donostiarrek egin dute aurrera Barakaldoko taldeari 32-26ko emaitzarekin irabazita. Partida berezia izan zen June Loidi elgoibartarrarentzat, Bera Berako jokalariak joan den sasoira arte bere taldea izan zena izan baitzuen aurkari Sanloko jokalari izan zen garaietatik horren ondo ezagutzen duen kantxan. Bera Berako entrenatzaileak defentsako lanerako erabili zuen atzoko partidan. (Sanlok Youtuben duen kanalean ikus daiteke partida osorik). Eta hemen partidaren kronika.
Euskal Kopako bigarren finalerdian Kukullaga Etxebarrik eta Aiala Zarautzek jokatuko dute elkarren aurka.
Bi taldeek oso modu desberdinean hasi dute liga txapelketa. Donostiarrak -gaur egungo liga txapeldunak- sailkapeneko gorenean daude, lehen postuan, Rocasarekin berdinduta, jokatutako lau partidak irabazita. June Loidik sei gol sartu ditu lehen lau jardunaldietan. Talde bizkaitarrak, berriz, partida bakarra irabazi du orain arte.
∞Lotura duten albisteak:
- Euskal Kopako finalerdietako bat jokatuko dute Elgoibarren Bera Berak eta Zuazok (2021-10-04)
- June Loidik, bere aurkezpenean: "Urratsa emateko unea da" (2021-06-05)
- Bera Bera eskubaloi taldean jokatuko du June Loidik datozen bi denboraldietan (2021-05-26)