Kirolak

barren.eus-logoa

Tokikom

 

 
 

2021 10 01 eskola kirola elgoibar artxibokoa mintxetaMartxan da 2021-2022 ikasturteko Eskola Kiroleko programa, atzo egin baitzuten lehen saioa. Elgoibarren 310 ikaslek eman dute izena, pandemia hasi aurrekoa baino kopuru txikiagoa.

Pandemia hasi aurreko ikasturtean, 2019-2020an, 426 ikasle aritu ziren eskola kirolean, hortaz, pandemiaren eragina oraindik agerikoa dela nabarmendu dute Elgoibarko Eskola kiroleko arduradunek. Bost monitorerekin hasi dute aurtengo ikasturtea.

Eusko Jaurlaritzak normaltasunez hasteko aukera eman dien arren, pandemian jarraitzen dugula eta segurtasun neurriak betetzen jarraitzea ezinbestekoa izango dela zehaztu dute. Hala, Eskola kiroleko kontseiluak, hainbat neurri hartzea erabaki zuen, besteak beste, aurten astean bi saio eskaintzea (aurreko ikasturtean saio bakarra egiten zuten asteko). Aurreko ikasturteko programa mantenduko dute, eta "momentuz" ez da lehiaketarik egongo asteburuetan. Gela egonkorrak mantentzeko saiakera egingo dute, "nahiz eta malgutasuna egongo den maila bereko haurrak elkartzeko, taldeak antolatzean sor daitezkeen oztopoei aurre egiteko". Ekintzak osasun neurriak hartuta antolatuko dituzte: musukoa erabiliz eta kontaktuak ahalik eta gehien saihestuz. "Baldintza eta protokolo guztiak betez, kalitatezko zerbitzu bat eskaintzen saiatuko gara", adierazi dute.

 • Aurtengo funtzionamendua
Eskola kirolareko parte hartzaileek jarraitu beharreko saioetarako gida modukoa osatu dute, hainbat neurrirekin:

  • Kirol instalazioetan sartu eta irteteko seinaleak errespetatu behar dituzte ikasleek.
  • Sarrera: Monitoreak jasoko ditu ikasleak instalakuntzaren kanpoan:
    Ikastolan: frontoiko sarreran.
    Herri eskolan: ikastetxeko kanpoko atean.
  • Irteera: Monitoreak jaso dituen lekura eramango ditu ikasleak.
  • Saioetara eraman beharrekoa: toaila txiki bat, gel hidroalkoholikoa, eguneko musukoa gordetzeko zorroa, musuko ezberdina jarduera egiteko eta ur botila bat.
  • Musukoa uneoro eraman beharko dute kirola egiten den bitartean.
  • Eskuak xaboiarekin garbitu beharko dituzte, jardueraren aurretik eta ondoren.
  • Ahal den guztietan, 1,5 metroko distantzia mantendu behar dute gainerako ikaskideekiko.
  • Ahal den neurrian, ez dituzte partekatu behar materialak, arropa eta botilak.
 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza