Denboraldi honetan 18, 12 eta 10 urtez azpiko mailetan jokatuko duten arren, bi taldeen helburua da eskualdean errugbiak duen presentzia handitzea eta kirol hau sustatzea.
“Eskualdeko haur eta gazte guztiei errugbia eta bere balioak ezagutzeko eta praktikatzeko aukera ematea da helburua, eta errugbia eskualdeko kirol erreferente bihurtzea”, dio Paulo Coutok, bateratzearen arduradunetako batek.
Alex Barrenetxea, Mutriku Rugby Elkarteko lehendakaria, izan da proiektu honetan gehien sinistu duen pertsonetako bat eta, bere berbetan, “Debabarrenean errugbia gehiago ezagutaraztea da helburua. Hedatzeko lan handia dugu egiteko. Ilusio handia dugu eta uste dugu oso aberasgarria izango dela denontzako”.
