Mintxetan hasi eta amaituko da bihar Valentin Romeraren Oroimenezko txirrindulari lasterketa

Elgoibarko Lagun Taldea txirrindulari eskolak antolatzen du junior mailako txirrindularientzako lasterketa. Gainera, taldeko bost txirrindulari lehiatuko dira proban: Beñat Fernandez, Jokin Amorrosta, Eneko Ortega, Aitor Arranz eta Aritz Esnaola. Azken hirurak, kadete mailan diharduten arren, nagusiagoekin lehiatuko dira.

Lasterketa 16:00etan hasiko da Mintxetatik, eta ibilbidea honakoa izango da: Elgoibar- Bergara-Elgoibar-Bergara-Elgoibar-Azkatarate-San Antolin-Elgoibar-Azkarate-San Antolin. Helmuga Mintxetan izango da, 18:15ak aldera.
Iaz, Limousin Oriako taldeko txirrindulari Unai Zubeldia gailendu zen proba honetan.

∞Lotura duten albisteak:

• Unai Zubeldiak irabazi du Valentin Romeraren Oroimenezkoa Mintxetako aldapan erakustaldia emanez (2020-03-01)
• Iker Barandiaran gailendu zen jubenilen txirrindulari lasterketan (2019-05-21)
• Aimar Erostarbe txirrindulari oñatiarrak irabazi zuen Elgoibarko Lagun Taldea Saria (2018-03-13)