Kirolak

barren.eus-logoa

Tokikom

 

 
 

2021 09 01 Txitxibilaldia mulleres mendia elgoibarLourdes Zubiaurre 'Txitxi' lagunaren omenez hartu zuen Txitxibilaldiak izena mendizale talde honek 2006ko urriaren 26an, baina ordurako makina bat gailur zapalduak zituzten. Mendian ibiltzea gustuko zuten, eta emakumeek ere aisialdirako eta kirolerako eskubidea zutela aldarrikatzeko elkartu ziren, kirola gizonen curriculumeko kontua baino ez zenean, duela 42 bat urte.

Geroztik, makina bat irteera egin dituzte, eta abuztuan, Aragoiko Piriniotan izan dira zeharkaldia egiten. Sacroix (2.668 m), Salvaguardia (2.736 m) eta Tuc de Mulleres gailurrak (3.010 m) zapaldu dituzte bidean. 1999. urtean ere igo zuten azkeneko hori hamar taldekidek, eta talde hartako sei berriro elkartu dira aurten tontorrean (behean dituzue aurtengo eta duela 22 urteko argazkiak).

Guztira, 11 izan dira, baina, taldean, eta tartean gidari berezi bi ere izan dituzte. Jose Inazio Izagirre aspaldiko laguna eta Imma Mugertza geologo elgoibartarra, zeinak haitzen eta glaziarren gaineko azalpenak eman dizkien, bertatik bertara. “Luxu bat izan da”, aipatu du Izaskun Estibaritz taldekideak.

2021 09 01 Txitxibilaldia mulleres mendia elgoibar 1999ko igoera

2021 09 01 txitxibilaldia tuc de mulleres gailurrean berriro

 ∞ Lotura duten albisteak:

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza