Instagrameko kontuan honela eman du Maite Maiorak erretiratzearen berri: "Bertonetik gertu (88.kilometroa) lasterketa laga behar izan dut, urdailean izaten ari nintzen ziztadek beldurtuta (eta minez). Aurreikusitako moduan zihoan dena; are, 2019ko egindako denborak errefentziatzat hartuz gero, hobeto nindoan, baina kilometro asko falta ziren zerbait larriagoa izatera arriskatzeko. Hurrengo batean hobeto (edo ez)".
Gogor entrenatua zen lasterketa honetarako eta aldizkari honi ere aitortua zion ilusio berezia egiten zion lasterketa zela. "Summuna litzateke UTMBa irabaztea. Nik ez dakit irabazten duenak zergatik jarraitzen duen korrika! (kar-kar). Gehiegia izango litzateke irabaztea, baina garbi dago ez dudala helburutzat, UTMBra ezin delako joan irabaziko duzulakoan. Irabazteko dena ematera, bai, baina irabaziko duzulakoan ez".
Gizonezkoetan Francois D'Haene, Salomon taldeko frantziarra gailendu da 2021eko UTMB lasterketa entzutetsuan, 20 ordu 45 minutu eta 59 segunduko denbora eginda. Laugarren garaipena du honakoa, 2012, 2014 eta 2017ko ekitaldiak ereirabazi baitzituen; eta, hala, bera da proba honetan garaipen gehien dituen antxitxikaria. D'Haeneren atzetik sartu dira Chamonixeko helmuga Aurelien Dunand-Pallaz (20:58:31) eta Mathieu Blanchard (21:12:43) frantziarrak. 493 korrikalarik lasterketa utzi behar izan dute.
Emakumezkoetan Courtney Dauwalter estatubatuarra izan da azkarrena, 22 ordu eta 30 minutuko denbora eginda. Camile Bruyas sailkatu zen bigarren (24 ordu eta 9minutu) eta Mimmi Kotka sailkatu zen hirugarren postuan (25 ordu eta 9 minutu)
∞Lotura duten albisteak:
- Maite Maiora: “Amorratuta joan nintzen, neure buruari hemen jarraitzen nuela erakustera” (2021-07-16)
- Maite Maiora munduko txapeldun ultratrailean (2021-07-10)
- TransPeneda-Gêres 58 kilometroko mendi lasterketa irabazi du Maite Maiorak Portugalen (2021-06-09)
- Maite Maiorak bigarren egin du Espainiako Kopako bigarren proban, Miranda de Ebron (2021-05-18)
- Maite Maiora txapeldunorde Espainiako txapelketan, Kortazar irabazlearekin lehia estuan aritu eta gero (2021-05-03)
