Patronatutik azpimarratu dutenez, haur eta gazteengan eragin handia izaten ari den koronabirusaren bosgarren olatu honek ez du "ondorio handirik" eduki aurtengo kirol campusean parte hartu duten 247 umeengan eta hamasei monitoreengan. "Talde bat hamar egunez konfinatuta egon zen eta beste talde bateko zortzi haurrengan azken egunean izan du positibo batek eragina. Bi fokoak Kirol Campusetik kanpo sortu dira", adierazi dute arduradunek. Hartu diren prebentzio neurriak, batez ere musukoaren derrigorrezko erabilerak, aire librean eta talde finkoetan aritzeak eta monitoreek antigeno probak egiteko aukera izateak, oso emaitza onak eman dituela arrazoitu dute.
Aire librean egin dituzte kirol jarduera gehienak, baina eguraldi txarra egin duenean Olaizagako eta IMHko kirol instalazioak ere erabili dituzte.
• 2021-22 ikasturteko kirol ikastaroen eskaintza
Igeriketa, zumba eta spinning ikastaroen gaineko balorazioa ere egin dute. Igeriketa ikastaroetan 30 haurrek eta 13 helduk parte hartu dute eta 10 gaztek zumba eta spinning ikastaroetan. Hauetan ez du eraginik izan Covid-19ak. Udal Kirol Patronatutik aurreratu dutenez, abuztu amaieran emango da ezagutara 2021-22 ikasturteko kirol ikastaroen eskaintza berria.
∞Lotura duten albisteak:
- 275 umek hasi dute Udako Kirol Campusa (2021-06-21)
- Kirol eskaintza zabalarekin dator aurtengo Udako Kirol Campusa ere (2021-04-15)
- Ia 140 umek hasi dute Udaberriko Kirol Campusa (2021-03-29)
- Kirol Campusa bertan behera lagatzea erabaki dute (2020-05-26)
- 268 ume eta nerabe hasi dira gaur udako kirol campusean (2019-06-24)