Arabako Zambrana herrian jokatu zuten Euskadiko Ehiza Xehe Txapelketa, joan den domekan. Gipuzkoako txapelketan seigarren postuan sailkatu ostean, azken urteetan erakutsi duen maila erakusteko asmoz, eta tituloa defendatzera, joan zen Arkaitz Egaña txapelketara. Egun "ezin hobea" irten zitzaiola esan du. “Txakurrak egun oso ona eduki zuen eta neu ere fin ibili nintzen punteriarekin”. Zazpi tiro egin zituen eta zazpi eper ehizatu. Bigarren sailkatu zen Mikel Gimenez gipuzkoarrak bost eper ehizatu zituen eta lau eper hirugarren postuan sailkatu zen Iñigo Landa arabarrak. Junior kategorian Iban Rogel ehiztari elgoibartarra izan zen onena, bi eper ehizatuta, eta bera da Euskadiko txapeldun berria.
Arkaitz Egañarentzat Euskadiko txapelketa irabazi duen hirugarren aldia izan da honakoa: 2011n, 2014an eta 2015ean irabazi du txapelketa hau. Azken garaipen honi esker, Espainiako txapelketako finalaurrekoan parte hartuko du Egañak. Eguna oraindik zehazteke dagoen arren, hiru bat aste barru Toledon jokatuko dela adierazi du. Iaz txapeldunorde izan zen txapelketa horretan, eta titulua eskuratu zuen 2012an.
-
Arkaitz Egaña txapeldunorde Espainiako Ehiza Xehe Txapelketan (2015-02-02)
-
Espainiako Ehiza Xehe txapelketako finalerako sailkatu da Arkaitz Egaña (2015-01-08)
-
Arkaitz Eganak irabazi du Euskadiko ehiza xehe txapelketa, bigarrengoz (2014-11-04)
- Arkaitz Egañak irabazi du Gipuzkoako ehiza xehe txapelketa (2014-09-30)
- Arkaitz Egaña txapeldunorde Gipuzkoako Ehiza Xehe Txapelketan (2013-10-01)
- La Union elkarteak Arkaitz Egaña omendu du (2012-12-28)
- Arkaitz Egañak irabazi du Espainiako Ehiza Xehe Txapelketa (2012-12-11)
- 2011n lortutako Euskadiko txapelari Gipuzkoakoa gaineratu dio Arkaitz Egaña ehiztariak (2012-10-03)