Santolinok seigarren postua lortu zuen motoetan joan den urtarrilean jokatu zen Dakar rallyan. Hala, goi mailako gidari batekin trebatzeko eta ikasteko aukera izan zuten Elgoibar eta inguruetako 15 moto gidarik. Astebete lehenago Elgoibarko Enduro txapelketa jokatu zen Idotorbeko zelaietan egin zuten ikastaroa. Frantziako Sherco moto-etxearen kontzesionario ofiziala da Motos Ion, eta markaren bitartez ekarri ahal izan dute Elgoibarrera Santolino, aurrez Mario Romanekin (Munduko muturreko Enduro txapelduna) egin zuten moduan.
Salamancako moto gidariak azaldu zuenez, Elgoibarren eman zuena moduko bost bat ikastaro ematen ditu urtean, baina moto lehiaketei ematen die lehentasuna. Inguru hau ezagutzen ez zuen arren, ikusgarria iruditu zaio eta Enduroa praktikatzeko oso aproposa, aukera askoarikoak eskaintzen dituelako.
*Arg: Motos Ion eta Aitor.
