Gipuzkoako txapelketako proba izango da Mendaroko Txirrindulari Elkarteak urtero junior mailako txirrindularientzako antolatzen duen lasterketa hau, eta guztira, 84 bat kilometroko ibilbidea osatu beharko dute txirrindulariek, bi aldiz Osintxuraino joan eta beste birritan Kalbarioko gaina igoz.
Kurutz gain industrialdean hasi (16:00) eta amaituko da lasterketa, eta industrialdea itxita egongo da. Norbanakoek mugatua izango dute sarrera. “Mesedez, beraz, ez gerturatu irteera zein helmuga puntura, jende pilaketak saihestea dagokigulako”, erregutu dute antolatzaileek.
Iaz, Buruntzazpi txirrindularitza eskolako (Bazpi) Beñat Carvayeda Urruzolak irabazi zuen Mendaroko Javier Ezenarro Oroitzarrea, esprinean.
