Ehundik gora moto gidari batu ziren domekan Idotorben. Parte hartzaileek 30 kilometroko ibilbideari hiru itzuli eman behar izan zizkioten, inguruko mendi eta lautadetan barrena. Itzuli bakoitza egiteko ordu eta erdi behar izan zuten gutxi gorabehera, eta itzuli bakoitzaren ostean erlojuaren aurkako proba bat osatu behar zuten Idotorbeko baseliza inguruan prestatu zuten zirkuituan. 79 pilotuk bakarrik lortu zuten proba bukatzea.
Jordi Quer kataluniarra gailendu zen, Urko Garmendiak lortu zuen bigarren postua eta Peru Irazolak hirugarrena. Emakumezkoetan bi parte hartzaile lehiatu ziren eta Mireia Badia izan zen azkarrena. Munduko Enduro txapelketan lehen postuan dago Badia, Laia Sanzekin berdinduta. 23 urtez azpikoetan, Asier Larrakoetxea, Ander Telleria eta KJokin Gutierrez sailkatu ziren lehen hiru postuetan, eta Ekaitz Atxak eta Josu Segurolak eskuratu zituzten Elgoibarko enduroan jokoan zeuden Trofeo txapelketarako puntuak. Beteranoen artean, Pedro Luis Gorospe izan zen onena.
Lau proba izango ditu Euskadiko Enduro Txapelketak eta bigarrengoa izan da Elgoibarkoa (ikus sailkapen nagusia -PDF-)
*Arazkiak: Urnobitza