40 + 15 elkarteko kide Luis Garciak azaldu duenez, eurentzat ere urte berezia izan da aurtengoa, baina ahal izan duten guztietan gauzatu dituzte entrenamenduak, eta denboraldian zehar eginiko lana eskertu nahi izan diete azken egunean diplomak eta garaikurrak banatuta. Ikasleen artean aurrerapen handiena egin duen jokalaria ere saritu zuten, eta Ainhoa Bustamantek jaso zuen sari hori, atzoko sari banaketara agertu ezin izan bazuen ere. Gorka Garaizabal kirol zinegotzi eta Udal Kirol Patronatuko presidenteak eta Ramon Mugica Patronatuko zuzendariak banatu zizkieten garaikurrak, elkarteko kideekin batera.
6 urtetik 16 urtera bitarteko ikasleak izan dituzte aurten Elgoibarko 40 + 15 Tenis eta Padel Elkartean.
