Kirolarien beste aldea erakusten duten erreportajeak lantzen dituzte Ana Ramos kazetariak aurkezten duen ETB1eko Helmuga saioan. Joan den domekan eman zuten azken atalean 'Alejandro eta Diego, betirako lagun' izan zen saioko erreportajeetako bat, non Daniel Arenasek Alejandro Gomezekin izan zuen harremanaz berba egiten duen.
Daniel Arenasek 2019ko Aste Santuan ezagutu zuen Alejandro Gomez galiziarra. Elgoibar eta Mugertza krosa oso maiteak zituen Gomezek, eta Arenasi ere eman zion oroitzapen on horien berri. "Pertsona maitatua zen Elgoibarren, eta Euskal Herri osoan" dio Arenasek. Goi mailako atletismoan lehiatzeari laga zionean txakurrekin aurkitu zuen bizipoza galiziarrak, haiekin korrika egitea zuen pasio. Daniel Arenas ere kirol horretan aritzen da azken aldian, eta txakurrekiko pasio horrek batu zituen biak; eta, Asterix txakurrak, Gomezek Arenasi oparitu zion txakurrak. Arenas txakur horrekin lehiatzen da bikejoring txapelketetan, eta Espainiako Txapelketa irabaztea ere lortu dute.
Hona hemen Helmuga saioko azken atalean eman zuten erreportajea:
∞Lotura duten albisteak:
- Dani Arenas: “Txakurrarekin erabateko konplizitatea edukitzea ezinbestekoa da” (2021-03-18)
- Daniel Arenasek Espainiako Bikejoring txapelketa irabazi du bere adin tartean (2021-03-04)
- Daniel Arenas munduko txapeldun bikejoringean, beteranoen mailan (2019-06-24)
- Bosgarren postua Daniel Arenasentzat Espainiako Kulturismo Txapelketan (2010-05-18)
- Daniel Arenas kulturista elgoibartarra fitxatu du Nutrytec taldeak (2010-03-17)
- Daniel Arenas Euskadi, Nafarroa eta Kantabriako Kulturismo txapelduna (2008-05-23)