Domeka honetan, azaroaren 8an, jokatuko da Behobia-Donostia herri lasterketa entzutetsua. Aurte ere, izenemate marka berria ezarri du probak, 34.000 parte-hartzailerekin (iaz baino 4.000 gehiago). Elgoibartar eta mendaroar ugarik egingo du antxitxika proban.
Fortuna Kirol Elkarteak emandako datuen arabera, 84 elgoibartarrek eta 25 mendaroarrek eman dute izena Behobia-Donostiarako (iaz, Elgoibarko 84 lagunek eta 23 mendaroarrek amaitu zuten proba). 51. edizio honek parte-hartzaileen marka berria ezarri du, 34.000 inskripzio bildu ostean.
•Autobusa Elgoibartik
Mintxeta Atletismo Taldeak Behobia-Donostia lasterketara joateko autobusa jarri du azaroaren 8rako Udal Kirol Patronatuaren babesarekin. Autobusa King-Kongeko autobus geltokitik irtengo da, 07:30ean. Izen ematea bi modutan egin daiteke: batetik, e-posta bat idatzita Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera; eta, bestetik, Mintxeta Atletismo Taldearen bulegoan (eguaztenean eta barixakuan 18:00etatik 20:00etara). Azaroaren 6a da izena emateko azken eguna (eguerdiko 12:00ak baino lehen). Udal Kirol Patronatuko bazkideek 13 euro ordaindu beharko dituzte eta 17 euro bazkide ez direnek.
•Elgoibartarren eta mendaroarren partaidetza urtez-urte:
- 2014: 84 elgoibartar eta 23 mendaroar
- 2013: 73 elgoibartar eta 24 mendaroar
- 2012: 79 elgoibartar eta 21 mendaroar
- 2011: 84 elgoibartar eta 21 mendaroar
- 2010: 74 elgoibartar eta 13 mendaroar
- 2009: 95 elgoibartar eta 7 mendaroar
- 2008: 100 elgoibartar eta 11 mendaroar
- 2007: 101 elgoibartar eta 8 mendaroar
- 2006: 101 elgoibartar eta 7 mendaroar
