Herri Eskolako eta Elgoibar Ikastolako taldeek Eskola Kiroleko lehen entrenamendu saioa egin dute gaur. Ikasturte hasieran izena eman zuten umeekin hamaika talde osatu zituzten arren, hiru talderekin hasi dira gaur, nahiz eta eskola kiroleko arduradunek esperantza duten datozen asteetan talde gehiago osatuko direla. Bost monitore arituko dira umeekin lanean eta, gehienez ere sei laguneko taldetan antolatuta ibili beharko dute. Taldea beti pertsona berek osatuko dute, eta ezingo dira aldagelak erabili.
Hori bai, intzidentzia-tasa 500etik gorakoa den herrietan bertan behera laga beharko dira Eskola Kiroleko jarduerak.