Urtarrilaren 16rako, San Anton bezpera egunerako, antolatu dute txapelketa. Hiru jardunalditan jokatu izan da aurten arte txapelketa, bi finalerdi eta finala, baina aurten egun bakarrean jokatuko da. "Txapelketa aurkeztuta dago Euskadiko Euskal Pilota Federakuntzan, eta aurrekontua ere onartu du udal kirol patronatuak. Hala ere, datozen egunetan, gobernu agintariek kirol ekitaldien inguruan hartzen dituzten erabakiek argituko ditute aurtengoa jokatu ahal izango dugun ala ez", azaldu dute Lagunak pilota eskolako arduradunek.
Pilotarien kartelera osatuta dute eta afizionatu mailan diharduten pilotari onenetarikoak lotu dituztela nabarmendu dute. Promesa mailako pilotariak lehiatuko diren lehen partidan, Alberdik eta Apezetxeak De La Fuente eta Morgaetxeberria izango dituzte aurkari. Etorkizun handiko lau pilotari direla zehaztu dute, laurak 18 urtekoak.
Bigarren partidan Muruak eta Gaskuek osatutako biokoteak Exposito eta Iruritaren aurka jokatuko dute. Jokatzekotan, 18:00etan hasiko da pilota jaialdia Ikastolako frontoian.
∞Lotura duten albisteak:
- Murua eta Uriondo nagusitasunez gailendu dira San Anton Pilota txapelketan (2020-01-18)
- Musika, dantza eta kirola izango dira San Anton jaietan (2020-01-16)
- San Anton Pilota Txapelketako bigarren finalerdiak jokatuko dituzte Ikastolako frontoian (2020-01-10)
- Afizionatu mailako pilotaririk onenetarikoak ikusteko aukera izango da San Anton txapelketan (2020-01-02)
- Labaka eta Telletxea gailendu dira 27. San Anton Pilota Txapelketan (2019-01-20)
- Seniorretan Alberdi-Aizpuru eta promesetan Alberdi-Apezetxea irabazle, San Anton txapelketan (2018-01-20)
- Espinal eta Zezeaga nagusi San Anton Pilota Txapelketan (2017-01-25)