Egur Sportek antolatzen duen Euskal Herriko Bigarren Mailako Aizkora Txapelketaren finalean zazpi aizkolari lehiatu ziren. Pandemia dela-eta ikuslerik gabe jokatu zuten finala Bastidako pilotalekuan.
Aizkolariek bi kanaerdiko enbor, beste bi 60 ontzako eta bi oinbiko moztu behar zituzten, eta Arostegiko Oier Kañamares "Kañamares IV" aizkolari nafarra izan zen lanak bukatzen azkarrena (23´38´´). Luis Txapartegi aizkolari aizarnarrak egin zuen bigarren, irabazlearengandik 40 segundura. Hirugarren postuan sailkatu zen Hodei Ezpeleta (25´09´´), Txapartegirengandik 50 segundura.
Lehen bi sailkatuek datorren urtean aizkorako maila nagusian, lehen mailan, aritzeko txartela irabazi zuten. Hortaz, datorren denboraldian Euskal Herriko aizkolari onenekin lehian aritzeko atarian geratu da Ezpeleta aurtengoagatik.
