Master mailako txirrindulariek Laudion hasi zuten denboraldia, joan den zapatuan jokatu zuten Laudioko XII. Master Klasikoa txirrindulari lasterketan. 78,8 kilometroko ibilbidea osatu zuten, eta Respalditza (305 metro) eta Garate (285 metro) mendateak izan ziren ibilbideko zailtasun nagusiak. Isidro Garcia txirrindulari kantabriarra gailendu zen (ikus ailegaerako bideoa). Tropel nagusiari bost bat segunduko aldea atera zion Garciak. Tropel buruan gurutzatu zuen helmuga Gobike taldeko Iban Gonzalez Ferro elgoibartarrak, bosgarren postuan, hain justu ere. Gainera Master 30 mailako podiumera igotzea lortu zuen txirrindulari elgoibartarrak, bigarren egin baitzuen bere kategorian.
Gobike taldeak joan den astean aurkeztu zuen 2020 denboraldirako osatu duen taldea. Hamabi txirrindularietatik hiru dira elgoibartarrak: Iñigo Lariz, Jorge Gonzalez eta Iban Gonzalez.
Ramon J. Garcia elgoibartarra ere lehiatuko da master mailako lasterketetan, Errioxako Bodegas Mazuela Roger Sport taldeaekin.
∞Lotura duten albisteak:
- Iban Gonzalezek irabazi du Araba Challenge probako sailkapen nagusia, Master 30 mailakoen artean (2019-10-02)
- Iban Gonzalezek lider jarraitzen du Araba Challenge probako erlojuaren kontrakoa irabazita (2019-09-25)
- Iban Gonzalez txirrindulariak seigarren postu batekin hasi du denboraldia (2019-02-13)
