Barikuko pilota jaialdia 22:00etan hasiko da, eta San Anton Txapelketan ohikoa den moduan, promesa eta senior mailetako bikoteak lehiatuko dira. Alberdi IIak eta Morgaetxeberriak Senar eta Uranga izango dituzte aurkari lehen promesetako finalerdian. Nagusien partidan, berriz, Matak eta Albizuk Muruaren eta Uriondoren aurka jokatuko dute.
Bigarren finalerdietako norgehiagokak urtarrilaren 10ean jokatuko dituzte, eta finala urtarrilaren 17an, San Anton Egunean izango da.
Urtero moduan, afizionatu mailako pilotaririk onentsuenak etorriko dira Elgoibarko torneo beteranoan lehiatzera. Eta, ziur badela aurki profesionaletara igaroko den pilotariren bat edo beste. Iaz, urrunago joan beharrik gabe, senior mailako titulua eskuratzeaz gainera, finaleko pilotaririk onena aukeratu zuten Eneko Labaka fitxatu zuen Garfe enpresak, martxoan. Final hura galdu zuten bi pilotariek ere egin zuten profesionaletarako jauzia: Iker Salaberria aurrelari goizuetarrak eta Iñigo Bikuña atzelari donostiarrak, biek Asperekin. Beti moduan, pilotari gazte onentsuenen jokatzeko era gertutik ezagutzeko aukera izango da Ikastolako frontoian.
∞Lotura duten albisteak:
- Labaka eta Telletxea gailendu dira 27. San Anton Pilota Txapelketan (2019-01-20)
- Seniorretan Alberdi-Aizpuru eta promesetan Alberdi-Apezetxea irabazle, San Anton txapelketan (2018-01-20)
-
Espinal eta Zezeaga nagusi San Anton Pilota Txapelketan (2017-01-25)
