17:00etan hastekoa zuten Haur Krosa Mendaron eta hasi aurretxoan, gogotik hasi du euria, baina horrek ez ditu haurrak kikildu eta 91 umek parte hartu dute lasterketan, mailaka bereizita. Mendaroko Txirrindulari Elkarteak antolatzen du Haur Krosa, euskara sustatu eta haurrak kirola egitera zaletzeko. Argazki bilduma, barruan.

Haur Hezkuntza 5ekoak izan dira saltaka egiten lehenengoak, eta mailaz maila egin dute korrika, Lehen Hezkuntzako seigarren mailara arteko neska-mutilek. Bukaeran, eta ohi legez, Haur Hezkuntzako gainerako mailetako umeek ere izan dute antxitxika egiteko aukera. 2 urtetik hasi eta 5 urtera artekoek elkarrekin egin dute korrika. ARGAZKI ALBUMA