Araba Challenge txapelketako lehen lau etapak jokatu eta gero, Master 30 kategoriako lider ailegatu zen azken etapara Iban Gonzalez (Gobike). Artziniegako VII. Master Saria izan zen bosgarren eta azken etapa. Txirrindulariak 71 kilometroko ibilbidean lehiatu ziren eta Iker Eskibel (Dorletako Ama) eskoriatzarra izan zen azkarrena, Elgoibarko San Pedroko Igoerako errekorraren jabea, hain zuzen ere. Eskibelek ordu bat, 45 minutu eta 21 segundoan osatu zuen proba. Luis Mari Urizar (Irrintzi) sailkatu zen bigarren postuan, Eskibelengandik 12 segundora. Gobike taldeko Iban Gonzalez elgoibartarra seigarren postuan sartu zen helmugan, irabazleagandik 49 segundora. Gonzalez, baina, azkarrena izan zen Master 30 mailakoen artean (ikus Artziniegako probako sailkapena -PDF-).
Honenbestez, sailkapen nagusiko lehen postuari eutsi zion Iban Gonzalezek, eta bera da Araba Challenge lasterketako irabazlea, bere adin tartean, Master 30 kategorian..
∞Lotura duten albisteak: