Lehia estua jokatu zuten bi taldeek eta segundu gutxiko aldeagatik irabazi zuen Amorotoko taldeak. Propio desafio honetarako sortu dute taldea Amorotokoek. Zortzi gizonezkok osatu zuten taldea. Mendaroko giza proba taldea sei gizonezkok eta bi emakumezkok osatu zuten. Igoeraren lehen zatian aurretik joan ziren mendaroarrak, 2016an Lizarperainio igo zuten Cuatrolatas autoari tiraka, baina azken txanpan aurrea hartu zieten Amorotokoek. Mendaroko taldea "oso gustora" dago egindako lanarekin eta desafioaren bueltan sortu zen giroa "bikaina" izan zela nabarmendu dute.
Lagunarteko desafioa izan zen, taberna giroan sortutakoa, eta irabazleek oroigarri sinboliko bat jaso zuten saritzat. Demaren amaieran elkarrekin afaldu zuten bi taldeek, lagunartean.
*Argazkiak: Jose Ramon Cabrera.
∞Lotura duten albisteak:
- Mendaroko giza proba taldeak Amorotokoaren aurka jokatuko du desafioa, 'Cuatrolatas'-etik tiraka (2019-07-05)
- Mendaroko giza proba taldea gailendu zitzaion Angiozarkoari (2018-10-02)
- Bi orduz azpitik igo zuten Renault 4L autoa Lizarperaino (2016-12-19)
- Mendarotik Lizarpe gainera Renault 4 bat tiraka eramateko ahalegina egingo du Mendaroko Giza Proba Taldeak (2016-11-08)
- Itziarko Andutz taldeak irabazi du Gipuzkoako Giza Proba Txapelketako finala Elgoibarren (2015-07-18)