Iberdrola Ligako jokalari onenak aukeratu dituzte zaleek. Atzora arte zuten bozkatzeko aukera, eta Espainiako Eskubaloi Federazioak atzo arratsaldean eman zituen jakitera All Star Team edo izarren taldea osatuko duten zazpi jokalarien izenak eta banakako beste lau sarietarako boto gehien jaso dituzten jokalariak zein diren. June Loidi azken izendapen horietako bi jasotzeko hautagaien artean zegoen, defentsa onena eta jokalari gazte onena izateko hautagaia zen, hain zuzen ere.
Ligako defentsa onena izateko hiru hautagaien artean june Loidik jaso du boto gehien. Elisabet Cesáreo (Aula Alimentos de Valladolid) eta Nekane Terés (Super Amara Bera Bera) ziren beste hautagaiak.
Jokalari Gazte Onenaren saria, berriz, Helvetia Alcobendas taldeko Maria Palomok jaso zuen.
Ligako jokalari onenaren saria, MVPa, Rocasa Gran Canaria taldeko atezainak, Silvia Navarrok jaso du. Robert Cuesta (KH-7 Granollers) aukeratu dute entrenatzaile onena, bigarren urtez jarrian. Honako hauek dira izarren taldea osatzen duten zazpi jokalariak:
- Renata Lais | Atezain onena
- Emma Boada | zentral onena
- Seynabou Mbengue | Eskuineko alboko onena
- Giulia Guarieiro | Ezkerreko alboko onena
- Paula Valdivia | Eskuineko hegaleko onena
- Soledad López | Ezkerreko hegaleko onena
- Ainhoa Hernández | Pibote onena
∞Lotura duten albisteak:
-
June Loidi Iberdrola Ligako 'All Star Team' osatzeko hautagaien artean (2019-06-25)
-
Europako eskubaloi txapelketak jokatuko dituzte June Loidik eta Julen Urruzolak Espainiako selekzioarekin (2019-06-05)
-
June Loidi nazioarteko txapelketa bat jokatzeko deitu du Espainiako selekzioak (2019-03-01)
-
Barakaldoko Zuazo eskubaloi taldean jokatuko du June Loidi elgoibartarrak (2018-06-18)
-
Nahia Legorburu eta June Loidi Emakumezkoen Euskal Selekzio nagusiaren deialdian (2018-06-07)
- June Loidik Munduko Eskubaloi Txapelketa jokatuko du Espainarekin Polonian (2018-05-29)
- June Loidi eta Asier Urain Euskadiko jokalari onenak (2017-05-31)